Big Way Of Life

Mae Cyngor Gweithredu Gwirfoddol Cymru (WCVA) wedi lleoliad gwaith newydd fydd yn canolbwyntio'n benodol ar ddatblygu portffolio ar y we o Arfer Gorau mewn iechyd, gofal cymdeithasol a lles.

Maen nhw eisiau casglu enghreifftiau dan y penawdau eang canlynol:

• Hunan Ofal ac Annibyniaeth
• Gwella Mynediad i Wasanaethau ar gyfer Cymunedau Penodol
• Cludiant Cymunedol
• Gofal Lliniarol yn cynnwys hosbisau
• Gwirfoddoli
• Gofalwyr
• Lleihau Derbyniadau a Gwella Rhyddhau o Ysbytai
• Iechyd Meddwl
• Gwella Iechyd a Hyrwyddo Lles
• Modelau Arloesol i Ddarparu Gwasanaethau
• Mentrau cymdeithasol
• Datblygu'r gweithlu

Maen nhw hefyd yn anelu at drawsgyfeirio ac amlygu enghreifftiau o arfer gorau lle mae modd adnabod egwyddorion cyd-gynhyrchu. Gyda chyd-gynhyrchu, mae manteision darpariaeth gwasanaethau cyhoeddus y trydydd sector yn cynnwys ei allu i:

• Osod y defnyddiwr gwasanaeth neu'r gymuned yn y canol wrth gynllunio a threfnu gwasanaethau
• Galluogi unigolion a grwpiau i drefnu eu cefnogaeth eu hunain ac i fynd i'r afael â'u hanghenion eu hunain
• Rhoi adnoddau eraill ar waith (cyllid ychwanegol, gwirfoddolwyr ac adnoddau cymunedol)
• Datblygu gallu tymor hirach o fewn cymunedau i gefnogi ac i gwrdd ag anghenion yr unigolyn a grwpiau

Y gobaith yw y bydd y gwaith yn cysylltu gyda goodpracticewales yn ogystal â gyda gwaith y mae Llywodraeth Cynulliad Cymru wedi bod yn ei wneud i gasglu arfer da o fewn gofal cymdeithasol.

Os ydych chi'n gwybod am enghraifft y credwch fyddai'n dda i'w rannu gydag eraill, cysylltwch gyda Michael Richards ar Mae'r cyfeiriad ebost yn cael ei warchod rhag spam bots, rhaid i chi alluogi Javascript i'w weld. . Gall enghreifftiau gynnwys prosiectau neu bartneriaethau sydd eisoes wedi eu sefydlu neu waith sydd newydd gychwyn.